Mbamsen Mba Wan Iyol Sha Misa 

Aôndo Ter, ka We U lu u hembanagee; ka We U ne se a kaa sha won cii ye. Aluer se soo u civir We vough yô, se mba a kwagh môm môm u kuman vough ga, saa Yesu Kristu, Wan Wou. Wen U A na iyol Na sha terankon sha aci wase la. We a lumun yô ngôhol Un ken adua ne er nagh asegh her a We, gadia nagh ku Misa ne ku vough er nagh Nagh sha terankon yô. Amen

 

Yesu Kristu Tor wase, kpaa, sha iwer You i masejime la, U na se dyako u hemban cii. Shieghen la, U na se tindi wer se mbaKristu, se er adua ne sha mumbur Wou gbem. Ka nahan man se kohol nagh Ou her Teru, se ya Iyol i mimi, man i agee, man se wa iyol sha uma u tsôron ye. Amen

 

Chighan Jijingi, ka we Yesu a tindi u hen avese sha u suurun se asema, man sha u tesen gbenda u mimi ye. U ngu Jijingi u dooshima kpaa; nahan na se cii, mba se ye Iyol i Kristu imôngo ne, dooshima her ayol ase, man mkav u mimi sha inja i adua ne. Amen.

 

Maria, Ngô u Yesu, ka we yange u pine Un sha u Una gema mgerem ma hingir msôrom la ye. Ka we kpaa u tile hen terankon u Yesu, u lu yan chan a Na ken shima ye. Nahan er msen sha aci wase, er se kohol Yesu ken nagh asegh kun a asema a wangn sha inja I ishima you. Amen

Mbamsen Mba Ishughun Ken Masejime U Mye U Iyol I Kristu

Ka kwaghyan u civirigh je, se ngohol Kristu, se umbur atsan a Na, asema ase iiv a gratia, man U tôndo zwa a vese sha iengen i tsôron kpaa, Amen.

 

Ter, se wuese We Kpishi, gadia U yôr se sha Iyol i Yesu, Wan Wou; na se, sha myem wase u sakramentu Wou ne, se kuma u van her inyôngo You i sha tartor yô, Amen.

 

Ter, U Na se Iyol i Yesu er kwaghyan wase nahan. Na se, er se hingir alegh a Yesu, man Wen kpaa a lu ityough yasegh gbem yô, Amen.

Ishima i Yesu, tseghan. Iyol i Yesu, warem. Awambe a Yesu, lu msôrom am. Mgerem ma duen Yesu ken imbusu, wanger mo. Atsan a Kristu, lu ne bem wam. Yesu u ishima i dioon, ungwam. Yerem ken avav a Ou, de kera nan mo ian i paven a We ga, warem sha orihom, Yilam her a We shighen u me nongon ku la, er me wuese We vea mbajighjigh Ou gbem yô, Amen.

 

Yesu Kristu, Tor Wase kua Wangbian Wase kpaa, ka We U kaa Wer, “Mo, M ngu kwaghyan u uma ye”. Nahan na se, mba se yan We her atse a Ou ne, sea lu a uma Wou ken asema ase gbem, man sea zua a uma u tsôron her a We sha tartor yô, Amen.

 

Yesu Kristu, Wan u Ter, man or er se nahan, U kaa Wer “Mo, M ngu kon u mimi, ne mba agbaa”, nahan sha mye wase u iyol You ne, na se, er se ume a atam a dooshima kpishi, man se lu ken a We gbem yô, Amen.