Chighan Isha i pav ker avegher ataan, man hanma vegher ngu a msen u ‘Ter Wase’ kwa môm, man msen u ;Se sugh Maria’ kwa pue, man msen u ‘Se civir Ter’ kwa môm, ‘O Yesu’ kwa môm, ‘Tor Yesu…’kwa môm. Hanma vegher ka i or un sha aci u icivir i ikyav i ken uma u Tor Wase Yesu Kistu man Cighan Maria, Ngô Na kpaa. Shiehen u se ôron hanma vegher u Isha ne yô, se fa inja i mimi i ikyav la man se dondo Yesu kua Maria sha mi yô. Aluer or nana er msen u Isha ne a ishima i mimi yô, nana pande injô i mtsaha u nan hen Aôndo sha akaabao a nan. Alu or nan pase asorabo a nan dedoo,man nana ya Iyol i Kristu yô, alaghga nana bee injô i nan her Aôndo.

MBA MSEN MBA CIGHAN ISHA

Ken iti I Ter, man Wan, man Cighan Jijingi. Amen

Va, Cighan Jijingi, ken asema a mbamlumun Ou; man tsar usu u dooshima Wou her a vese. Tindi Jijingi Wou sha u gban mgbe u hegh; man Wea na tar uma u he.

 Se er msen;

Aôndo, ka We U tese asema a mbamlumun sha iwanger i Cighan Jijingi ye. Na se, ken Jijingi shon ne se fa akaa a mimi, man se ember sha msuurishima Na gbem yô. Ken Yesu Kristu Tor Wase, Amen.

Iengem ilu A ter man Wan man Cighan Jijingi, er ilu hiihii zan zan hegen zan zan aa bee mayanga, Amen.

MNA JIGHJIGH A AÔNDO

M na Jighjigh A Aôndo, Ter u hembanagee, Un u A gbe sha man tar, man Wan Na u Mtswen, Yesu Kristu, Tor wase, (Hen mkaanem ma Iniuunkwase Maria mar Un kua ma ker la ior cii ve a ngurum) U I jile Un sha Chighan Jijingi, Iniuunkwase Maria mar Un ican er un sha ikyev i Ponti u Pilatu, imande Un sha terankon, Akpe man i ii Un; A sen shin Hade; sha iyange I sha utar la A mogh shin mbakpenev; Akôndo Ayem Sha, A tema ken wegh ku yanegh ku Aôndo Ter u hembanagee; shaala Un a va u ôron mbaumav man mbakpenev ijir. M na jighjigh a Cighan Jijingi, Cighan Eklesia u katoliko, Mzoo u mbajighjigh, mde u asoraabo, mmogh u iyol shin ku, man uma u tsôron. Amen.

TER WASE U A LU SHA

Ter wase u A lu sha, tsegha iti You; Tartor Wou u va, i er ishima You shin tar er i eren sha nahan. Na se kwaghyan wase nyian, u ayange ayange; man de se asorabo ase, er se kpaa se den mba ve eren se akaabo yo; man de ze aa vese hen ape imyeen i lug a, kpa due a vese ken kwaghbo. Amen.

SE SUGH U MARIA

Se sugh u Maria, u iv a grasia, Aôndo ngu a we, u hemba icivir a kasev cii, man Wan u iyaav ou se civir Un, Yesu. Cighan Maria Ngô u Aôndo, er msen sha aci u se mbabov, hegen man shien u ku wase. Amen.

IENGEM ILU A TER

Iengem ilu A ter man Wan man Cighan Jijingi, er ilu hiihii zan zan hegen zan zan aa bee mayanga, Amen.

 GBENDA U ÔRON CIGHAN ISHA

UMISTERIUM MBA IEMBER (Ayange: Hiitom man Sati)

VEGHER U HIIHII

Mve u Ortyom hen Maria

 Mnd: Ortyom u Ter ande hen Maria

Mlu: Ortyom laa kaa ana ere, se sugh Maria, Aondo ngu awe, u hemba kasev cii, u mar wan ayila er Yesu. (Luk. 1:28)

VEGHER U SHA UHAR

Zende u Maria hen Anngô na Elizabetu

Mnd: Tso Eliza genger imo kaa eree:

Mlu: Iwuese we ken ukase cii, man wan u uva mare la kpa awuese un er usughunm yô, wan tsuwen ken uya. (Luk. 1:40-42)

VEGHER U SHA UTAR

Mmar u Tor Yesu ken Betelehem

Mnd: Er ve za nyô ker yô,

Mlu: Gar yan iv cii ve gba nyorun tsô ve tema ken ityough ilee.

Mnd: Er ve za nyô yô, cha tsô gba ga cii,

Mlu: Maria mar Ter Oryiman Yes ker: (Luk. 2:27)

VEGHER U SHA UNYIIN

Mne u Yesu ken Tempel

Mnd: Sha tindi u Mose

Mlu: Yosev man Maria, ve tôôwanikundan Yesu, ve yem ana ken temple, sha u za nan sha ikyev I Ter naa. (Luk. 2:22-23)

VEGHER U SHA UTAAN

Mzoo u wanye Yesu ken Tempel

Mnd: Yesu wan za sha sha gbenda lu ican hen mba maren Un. Ve za tser ana hen mbafankwagh; iember iv asema cii

Mlu: Torkwase O Maria u ngu ngô wase cii ver ato man ver ishima, ungwa msen man atsan ase (Luk. 2:46)

UMISTERIUM MBA IWYANGER (Ayange, Tom Anyiin)

VEGHER U HIIHII

Ier Yesu Batisima shin ifi u Yordan

Mnd: Batisema ka kwahg u kiriki ga, se nenge ikyav, er Yesu yan er Batisema yô.

Mlu: Imo due sen sha, kaa er; nguu ne ka wan wam u shima shima u ishima idiom aa nay o. (Mak. 1:10)

VEGHER U SHA UHAR

Yesu pase iyol na ken iniongo I kwase he ken Kanaan u Galalia

Mnd: Ter yan Kor mngerem hingir (2x) msôrom madoo ior ma bee ga.

Mlu: Loho Yesu Kristu ivyese you (2x) ka Yesu tsegh una va ivyese akaa cii ye. (Jh. 2:11)

VEGHER U SHA UTAR

Yesu pase kwagh u tartor u Aôndo man Mgemshima

Mlu: Gema nen asema tartor u sha ngbôom, henpe gundu kwagh wen a lu la, ka heregh je ngu ior ver nenge a ven ye (2x) (Mk. 1:15)

VEGHER U SHA UNYIIN

Iegem I Yeseu sha wo

Mnd: Tso ngur eren msen yô.

Mlu: Mlu u ishigh nahg gema kua akondu na kungu, engem je idoo u kenger ga. (Mt. 17:2)

VEGHER U SHA UTAAN

Paseka u masejime mne u Cighan Yukarisia

Mnd: Yesu tôô beradi sonter, a ana ve sha ciu ilu kwagh yan u uma

Mlu: Ngohol nen yô nen ngun ka yol yam. (Lk. 22:19)

UMISTERIUM MBAATSAN (ayange, Tom ahar man Tom ataan)

VEGHER U HIIHII

Msen man a Atsaa a Yesu ken sule u Olev

Mnd: Tsô Aza va hen mbahenen mbera, ava kohol ve kpa ve lu yaven tsô akaa a Peteru er ku, ihwa imôm tsô kpa ne faityô u kuran amo imôngo gaa? 

Mlu: Ter Yesu za msen jee, iusa na yolough man hingir awambe, shi a pine Tern a sha kwagh u kun a er Ter yongo ngin ma I karem Terem. (Luk 22:44-45)

VEGHER U SHA UHAR

Mkange U Yesu Man Mgbidye Na

Mnd: Ter Yesu hii u yan can. (2x)

Mlu: Shai ikyev Pilatus ha aciu upaan se, inaha Ter tar man shi igbidye un. (Jn 19:1)

VEGHER U SHA UTAR

Icir Yesu Idyer I Mbaasaa

Mnd: Mbayuda kange Ter ve gba gbidyen un ve er un idyer ka idyer ia asaa ve kange Ter sha ityo awambe ndoo iuu kera doo u nengen ga.

Mlu: Ter Yesu za msen ken Gesemane, a za er msen na, a er msen je iusa na iyolough man hingir awambe, shi a pine Ter na sha kwagh u kun a, er Ter iyongo ingin, ma ikarem Terem. (Matt. 27:28-29)

VEGHER U SHA UNYIIN

Yesu Tôô Terankon na

Mnd: Shi Yesu tôô Terankon

Mlu: Teran yuha Yesu gba amin, Ter yan gba kwa tar je. Ka Simon wase ye, kunya kôr juu.

VEGHER U SHA UTAAN

M-mande man ku u Yesu sha Terankan

Mnd: Imande Ter Yesu  

Mlu: Shie va kom u Yesu Tere Sule, yo avaa agba yilan Tern a eree, Aôndo warn, Aôndo Warn, kanyi u undumu, Ter man sule huan iyol ving. (Lk. 23:46)

UMISTERIUM MBA IENGEM (Ayange, Tom atar man lahadi)

VEGHER U HIIHII

Mmogh Yesu shin ku

Mlu: Ior mbera gema kende pine ve kwagh eree kanyi je ne keren or u uma henmbakpenev, ma yange ne zua a Yesu heen gaa. (Mk. 16:6)

VEGHER U SHA UHAR

Mkende u Kristu sha Tartor

Mnd: Mkôndo u Ter wase sha iyange I mkende na (2x)

Mlu: Yan yem a kwagh gaa.

Mnd: Mkôndo u Te vwase sha yange I mkende na.

Mlu: Lu sha aciu zan za ôron ter naa, er un kule tom u Ter atindi un yôô. (Mk. 16:19)

VEGHER U SHA UTAR

Mve u Cighan Jijingi sha Mbaapostol

Mnd: Ve cii iiv ve a cighan jiijingi

Mlu: Ve gba ôron kwagh ken ijô igenegh, er yan jingi u Aôndo na ve u ôron yôsô. (Acts 2:4)

VEGHER U SHA UNYIIN

Mkende u Maria sha Tartor

Mnd: Shi or shiada, uter Jon yan ôr kwagh, kaa eree, inenge a vian sha, kwase cir yange man wer lu un shin angahar lu atsar u, sha asan a puekaraha ukangen sha ityo, gema lu iyav, lu toor sha can ii mar.

Mlu: Bibilo kaa er ka hanma, kwase nan doo ashe er wer nan, engem er yange nan, cier yol er mbautyav, kegh tyav a or, kwagh ne lu Maria (Apocalypse 12:1)

VEGHER U SHA UTAAN

Icir Maria idyer I Torkwase sha Tartor, man Iengem I sha Tartor, man Iengem I Mbajighjigh cii.

Mnd: Mlu na u iengem gand u ôron

Mlu: Cighan utarken môm wuha TABANAKEL na ne iyol sha ihemba idyer I torkwase, iengem I sha won a na un cii, y ova nen se gure se civir nen, hen ape TABANAKEL alu sha er se va nyor aa iember shay a u Ter. (Judith 15:9-11)

O Yesu de se asorabo ase, Yima shaa igyam usu, Hemen umache cii sha tartor wou man uhemban cii je yo, Mbera mba ve soo mhoonom ou la.

SE SUGH U CIGHAN TORKWASE

Se sugh u cighan torkwase; Ngô u mhôôn, se sugh u sha aci u ngu uma wase man iermber man ityaver kpaa. Se mba vaan u van sha ishigh you, se mbayev, Mbashiliv man mbatsanev mimi je. Ka sha a we maan se vaan man se hee mliam yum ye, shin tar u ican kpem. Nahan de undun se ga, kpa gema ashe a mhôôn sha a vese man atsan ase aa been shin tar ne, wea rumun yô, tese se Wan Wou, Yesu. Ka ape I lu ne, Maria, O Ngô Wase, Iniuunkwase i mhôôn, u hemba doon se ishima a akaa agenegh cii. Amen.

Er msen sha aci wase O Cighan ngô u Aôndo, nahan se zua a ityedezwa i Kristu.

Se er msen;

O Aôndo sha uma ma ku man mmough u Wan Wou u ishima shima se zua a iyua i uma u tsôron gbem. Wea lumun yô er er se henen sha akaa ne shighen u sea eren msen sha Isha I Cighan Iniuunkwase Maria, man se umbur akaa ne er se a zua a utyendezwa mba ve pasen se nahan. Ken Yesu Kristu Tor wase Amen.

Msen U Michael Ortyom U Vesen

Michael ortyom u vesen, wase se sha ityav mbi satan lu or u kuran man u vinhin u kper mba satan, Aôndo a dar un kera se gure nya sha msen, we or hemen u nongo u mbashaav, ken ager a Aôndo a nou, zenda satan ayem ken zege usu, un kua mbatyomov nav cii mbave zenden wue shin tar ne, sha u vinhin se u uma yô. Amen.

Msen U Maria Umbur

Umbur dedoo; O Cighan iniuunkwase Mara, er hanma or u nan yevese sha mkoso wou, man nan keren iwyasen you man nan zamber, er u wase nan her Aôndo yô, nan tser a iwyasen you kpem. Nahan yo, mo kpaa me taver ishima man me yevese her a we, O iniuukwase i hemban anuunaukase cii, O ngôm. Ka hen a we man me za, me tile hen a we, mo, or bo man ican or mimi je. O Ngô u Yesu, U i mar Un shin tar ne, de lahan zamber wam ga, kpa zungwem mhôônom ungwam. Amen.                              

Terwase zungwe se mhôônom                   -Terwase zungwe se mhôônom

Kristu zungwe se mhôônom                        -Kristu zungwe se mhôônom

Terwase zungwe se mhôônom                   -Terwase zungwe se mhôônom

Kristu Ungwa se                                             -Kristu sha mhoonom ou ungwa se

Aôndo Ter u Tartor u isha                             -zungwe se mhôônom

Aôndo Warn man Oryiman Tar                    -zungwe se mhôônom

Aôndo u Cighaan Jijingi                               -zungwe se mhôônom

Cighaan Triniti Aôndo môm                         -zungwe se mhôônom

Cighan Maria                                                 -Er msen sha aciu wase

Cighan Ngô u Aôndo                                    -Er msen sha aciu wase

Cighan iniuukwse i anuunukase                 -Er msen sha aciu wase

Ngô u Kristu                                                   -Er msen sha aciu wase

Ngô u Church                                                -Er msen sha aciu wase

Ngô u hemban Gratia                                   -Er msen sha aciu wase

Ngô u hemban lun waang                           -Er msen sha aciu wase

Ngô u hemban perpera                               -Er msen sha aciu wase

Ngô u lun inuun gbem                                 -Er msen sha aciu wase

Ngô u lun a ishoribo ga                               -Er msen sha aciu wase

Ngô u hemban doon ashe                          -Er msen sha aciu wase

Ngô u wan kwagh u dedoo                         -Er msen sha aciu wase

Ngô u Oryiman wase                                   -Er msen sha aciu wase

Ngô u Orpaan wase                                     -Er msen sha aciu wase

Ngô u hemba fan                                         -Er msen sha aciu wase

Ngô u Orgban wase                                     -Er msen sha aciu wase

Iniuukwase I hemban perapera                  -Er msen sha aciu wase

Iniuukwase I hemban civir                           -Er msen sha aciu wase

Iniuukwase I hemban tseertseer                -Er msen sha aciu wase

 Iniuukwase I hemban agee                       -Er msen sha aciu wase

Iniuukwase I hemban mhôônom ma zungwen - Er msen sha aciu wase

Iniuukwase I hemban jighjigh                    - Er msen sha aciu wase

Ijingi I mimi                                                  - Er msen sha aciu wase

Ikyônough ki kwaghfan                              - Er msen sha aciu wase

Inja iember yase                                          -Er msen sha aciu wase

Ikagh ki Cighan Jijingi                                 -Er msen sha aciu wase

Ikagh ki Civirigh                                           -Er msen sha aciu wase

Ikagh ki lun a mcivir tswen                         -Er msen sha aciu wase

Imondon I myer I dooshima                       -Er msen sha aciu wase

Gar u Davidi                                                 -Er msen sha aciu wase

Gar u dedoo                                                 -Er msen sha aciu wase

Iyou I zanaria                                               -Er msen sha aciu wase

Areki u ikyuryan                                          -Er msen sha aciu wase

Hunda u Tartor                                            -Er msen sha aciu wase

Ishan I pepe                                                -Er msen sha aciu wase

Mkpeiyo! U mbauangev                             -Er msen sha aciu wase

Ijiir I waren I mbaasorabo                           -Er msen sha aciu wase

Msushima u mba ican I tser ve la             -Er msen sha aciu wase

Iwyasen I mbakristu                                    -Er msen sha aciu wase

Torkwase u mbatyomov                             -Er msen sha aciu wase

Torkwase u mbayiase                                 -Er msen sha aciu wase

Torkwase u Uporofeti                                  -Er msen sha aciu wase

Torkwase u Mbaapostol                             -Er msen sha aciu wase

Torkwase u Mbakkpenev sha ciu mrumun -Er msen sha aciu wase

Torkwase u Mbalumun a Kristu                 -Er msen sha aciu wase

Torkwase u anuunaukase                         -Er msen sha aciu wase

Torkwase u mbajighjigh cii                         -Er msen sha aciu wase

Torkwase u iwe iyav nav a amishe a

kwaghbo ga                                                -Er msen sha aciu wase

Torkwase I kende ana sha Tartor              -Er msen sha aciu wase

Torkwase u hemban Ichighan Isha          -Er msen sha aciu wase

Torkwase Nijeria                                         -Er msen sha aciu wase

Torkwase u bem                                         -Er msen sha aciu wase

Wanyango u Aôndo, u ate asorabo

a taregh kera                                              -Kura se, O Tere

Wanyango u Aôndo, We u ate

asorabo a taregh ker                                  -Sha mhôônom ou, u ungwa se Tere

Wanyango u Aôndo, We u ate

 asorabo a taregh kera                               -Zungwe se mhôônom

Er msen sha aciu wase, O Cighan

Ngô u Aôndo                                                -Nahan se zua a ityendezwa I Kristu

NAHAN SE ER MSEN

Se zambe awe O Ter Aôndo, na er se mbayev ou se zua mkpe iyol u ken shima man iyol kpem, man sha iengem i zamber u Cighan Maria u alu iniuukwase gbem yô, dugh se ken atsan ase shin tar ne man nyor avese ken iember you man msaaniyol u been mayange ga la, ken Kristu Ter Wase, Amen.