TERWASE
U ALU SHA
Ter wase U A lu Sha, I tsegha iti You;
Tartor Wou u va, i er shima You shin tar er i eren sha nahan. Na se kwaghyan
wase nyian, u ayange ayange; man de se asorabo ase, er se kpaa se den mba ve
eren se akaabo yô; man de ze aa vese hen ape imyeen i lu ga, kpa due a vese ken
kwaghbo.
SE
SUGH U MARIA
Se sugh u Maria, iv a gratia, Aôndo ngu
awe, u hemba icivir a kasev cii, man wan u yiav Ou se civir un Yesu, Chighan
Maria Ngô u Aôndo, er msen sha aci u se mbabov, hengen man shighe u ku wase,
Amen.
MSEN U YAN KWAGHYAN
Verem, (Se) O Ter, man
kwaghyan u U nem (Se) ne, ver un dedoo ken Kristu Tor Wase. Amen.
MSEN KEN MASEJIME U KWAGHYAN
Se (m) sugh U, O Aôndo U
hemban sha nagh Ou cii. Ka We U lu koson se gbem ye. Amen.
MSEN SHA CI U MBAKPENEV
Iwasen i Aôndo i lu avese
gbem, man mbakenev mba jighjigh cii ve men ken bem sha mhôônom ma Aôndo. Amen.
MSEN U MRUMUN
O Aôndo Wam, m rumun We, sha
aci u U ngu mimi iyol You.
MSEN U VEREN ISHIMA
O Aôndo Wam, m ver ishima
sha a We, sha aci u ityendezwa You a mo.
MSEN U ISHIOON
O Aôndo Wam, m soo U a
ishima yam I môm, man sha aci Wou m soo orgenegh kpaa er mo iyol yam nahan.
MSEN U ZUGWEN A KAABO
O Aôndo Wam, m zungwe kpishi sha er m vihi U ishima yô sha aci u U hemba doon mo ishima man sha iwyasen i gratia Wou me kera er kwaghbo ugen ga. Amen.
MYEE U JIGHJIGH U NAN
M na jighjigh a Aôndo môm, Ter u hemban
agee, U A gbe sha man tar, man akaa cii, aa i nengen a min, man aa i negen ami
ga la kpaa, M na jighjigh a Tor môm Yesu Kristu, Wan u Aôndo, U i mar Un Tswen,
u Ter mar Un cii man ashie cii lu la. Aôndo u ken Aôndo, iwyanger i ken
iwyanger. Aôndo u mimi u ken Aôndo u mimi, u i mar un a mar,iI gbe Un a gba ga.
U A lu kwaghmôm vea Ter, sha a Na I gbe akaa cica cii la. Adue Sha A va shin
tar ne, sha aci wase u umache, man sha aci u myomwase (Hen mkaanem ma ‘man A hingir or,
zan zan nyor sha ‘yav mbu Iniuunkwase Maria kua ma ker la’ ior cii vea ngurum).
Man a hingir or sha Cighan Jijingi ken yav mbu Iniuunkwase Maria. Ican er un
sha ikyev i Pointi Pilatu, i mande uUn sha terankon sha aci wase, A kpe man i
ii un man sha iyange I sha u taar la, A nder shin mbakpenev er rumabera ôr yô.
Akôndo A yem sha A tema ken wegh ku
yanegh ku Ter. Shi Un na a v ava ken iegem u ôron mbaumave man mbakpenev ijir
man tartor na u a lu a ikyuren ga. M na jighjigh a a Cighan Jijingi Ter u nan
uma u due ken Ter man Wan, u icivir shi i kenden a iti Na sha imôngo vea Ter
man Wan la.
U ôr kwagh ken u Profeti la. M na Jijigh a Eklasia u môm, u tseghan u katoliko man u Apostoliko. Mlumun a a baptisima u a lu môm sha a ci u mde u asorobo la, shi mngu veren ashe keghen mmough u mbakpenev shin ku, man uma u tar u u ava va la Amen.
M NA JIGHJIGH A AONDO
M na Jighjigh A Aôndo, Ter u hembanagee,
Un u A gbe sha man tar, man Wan Na u Mtswen, Yesu Kristu, Tor wase, (Hen
mkaanem ma Iniuunkwase Maria mar Un kua ma ker la ior cii ve a ngurum)
U I jile Un sha Chighan Jijingi, Iniuunkwase Maria mar Un ican er un sha ikyev
i Ponti u Pilatu, imande Un sha terankon, A kpe man i ii Un; A sen shin Hade;
sha iyange I sha utar la A mogh shin mbakpenev; A kôndo A yem Sha, A tema ken
wegh ku yanegh ku Aôndo Ter u hembanagee; shaala Un ava u ôron mbaumav man
mbakpenev ijir. M na jighjigh a Chighan Jijingi, Cighan Eklesia u katoliko mzoo
u mbajighjigh, mde u asorabo, mmough u shin ku, man uma u tsôron. Amen.
Iengem
i lu a Ter man Wan man Chighan Jijingi. Er i lu
hiihii, zan zan hegen zan zan a bee mayange ga. Amen
MPASE HEN AÔONDO U HEMBANAGEE
Mpase hen Aôndo u hembanagee, man hen
aven anngyanev av kpaa, mer, m er zegekwaghbo, ken mbamhen av, man ken mkaanem
am, ken kwagh u m er, man ken kwagh u m vende u eren kpaa,
(U kema uwegh sha vanger, u zamber sha ibyo
yo u kaa wer :)
Sha ibyo yam, sha ibyo yam,
sha ibyo yam i hemban vesen cii la;
Nahan mzamber Chighan Maria
u a lu Iniuun Kwase gbem, man mbatyomov man mbajighjigh cii, man ne anngbayanev
av kpaa, mer, er nen msen hen Ter Aôndo wase sha aci wam.
Aondo u hembanagee Un a
rumun yô, A zungwe se mhôônom, A de se asorabo ase, man A za avese ken uma u
tsôron gbem, Amen.
MSEN U ORTYOM
Ortyom u Aôndo va kaa Maria
loho; man a wa iyav sha Chigahn jijingi;
Se sugh Maria…
Maria kaa er; “M ngu
kpankwase u Aôndo je; Kwagh u a sar Un u eren a mo yô, A er sha ishima na”;
Se sugh Maria…
Imo hingir iyol; I va tema a
vese;
Se sugh u Maria…
Er msen sha ci wase, O Chighan Ngô u
Aôndo; nahan se zua a ityendezwa I Kristu.
Se er ne msen
Se zamber a we, Aôndo,
Ortyom Wou va kaa Maria loho er Yesu Wan Wou hingir Or. Haa se grasia ken asema
ase, er sha atsan a Na a sha terankon, se zua a iegem i mmough na, Ken Yesu
Kristu Tor wase. Amen.
Ken iti i Ter, man Wan man Chigahn
Jijingi, Amen.
Msen U Tor Kwase U Tartor U Sha (Shighen u Easter)
Torkwase u Tartor ember,
Alleluia;
Sha aci u u mar, Alleluia;
A mough er A vande kaan yô,
Alleluia;
Er msen her Aôndo sha aci
wase, Alleluia;
Ember man shi i doo u,
iniuunkwase Maria, Alleluia;
Sha aci u Tor Wase mough
mimi je Alleluia.
Se er msen;
O Aôndo, U yem tar sha u nan
se iember, ka sha aci u mmough u Wan Wou. Tor Wase Yesu Kristu. Rumun, se
zamber a We, er sha aci u Ngô Na, iniunkwase Maria, yo, se zua a iember I
tsôron man uma. Ken Kristu Tor Wase Amen.
UMBUR DEDOO
O chighan iniunkwase Maria,
er hanma or u nan yevese sha mkoso Wou, man nan tser a iwasen you man nan
zamber, er u wase nan her Aôndo yô, nan tser a iwasen you kpem. Nahan yô, mo
kpaa me taver ishima man me yevese hen a we, O iniuunkwase i hemban anuuaukase
cii. O Ngôm, ka hen a we man me za, me tile hen a we, mo, or bo man icanor mimi
je. O Ngô u Yesu, U i mar Un shin tar ne, de kera lahan zamber wam ga, kpa
zungwem mhôônom man ungwam. Amen.
SE SUGH U CHIGHAN TORKWASE
Se sugh Chighan Torkwase, Ngô
u mhôôn, se sugh u sha aci u ngu uma wase man iember man ityaver kpaa. Se mba
vaan u van sha ishigh you, se mbayev mbashiliv man mbachanve mimi je ka sha a
we man se vaan man se hee mliam yum ye shin tar u chan kpen. Nahna de kera
undun se ga, kpa gema ashe a mhôôn sha a vese er atsan ase a bee shin tar ne,
wea rumun yô, tese se Wan Wou Yesu, kape i lu ne Maria, O Ngô wase, Iniunkwase
i mhôôn u hemba doon se ishima a akaa agenegh cii. Amen.
BAPTISMA U OR U NONGON KU
Aluer or ngu nan nongo ku yô, pine nan
aluer nana soo Baptisma yo. Aluer nana lumun yo, pine nan alu nana lumun Aôndo
Ter, man shi Wan Na Yesu Kristu yô. Aluer nana lumun Aondo Ter man Yesu Kristu
kpaa yô, pine nan alu nana soo u nyoron ken Ekklesia u Katholiko man u kuran
atindi a Na yo. Aluer nana lumun akaa ne cii yo tese nan, er nana zungwe akaabo
a nana yô. Haa mgerem sha ityough ki or la, u kaan wer;
“M NGU EREN WE BAPTISMA KEN ITI I TER, MAN WAN MAN CIGHAN JIJINGI”
U been kera yo, pase kwagh ne he Father
ken Mission. Hanma or, shin nomso, shin kwase kpaa, a fatyo u eren or, nongon
ku, Baptisma. Aluer or maren nana lug a kpaa, ka kwagh ga.
Adua l Catholic Faith l Dioceses l Ityakerada l Katekisma l late Bishops l lohodedoo l Prayer Cards l contact-us