Ken iti I Ter, man Wan, man
Chighan Jijingi, Amen
Aôndo wam, m ngu nan we hanma kwagh
wam u nyian, Ne, shin u henen, shin u ôron, shin, u eren kpaa. Atsan am, aa yan
cii kpaa, m na U a. Nahan m ngu zamber a We, nam grastia Wou er m kera vihi U
shima nyian ga yô. M soo mer me civir We man me er U tom sha ishima You sha
hanma gbenda cii. Amen.
TERWASE
U ALU SHA
Ter wase U A lu Sha, i tsegha iti you;
Tartor Wou u va, i er shima You shin tar er i eren sha nahan. Na se kwaghyan
wase nyian, u ayange ayange; man de se asorabo ase, er se kpaa se den mba ve
eren se akaabo yô; man de ze aa vese hen ape imyeen i lug a, kpa due a vese ken
kwaghbo, Amen.
SE
SUGH MARIA
Se sugh Maria, U iv a gratia, Aôndo ngu
awe, u hemba icivir a kasev cii, man wan u yiav ough se civir un Yesu, Chighan
Maria Ngô u Aôndo, er msen sha aciu se mbabo hengen man shighen u ku wase, Amen.
M NA JIGHJIGH
A AÔNDO
M na Jighjigh a Aôndo, Ter u hembanagee,
Un u A gbe sha man tar, man Wan Na u Mtswen, Yesu Kristu, Tor wase, (Hen
mkaanem ma Iniuunkwase Maria mar Un kua ma ker la ior cii ve a ngurum)
U I jile Un sha Chighan Jijingi, Iniuunkwase Maria mar Un ican er un sha ikyev
i Ponti u Pilatu, imande Un sha terankon, A kpe man i ii Un; A sen shin hade;
sha iyange i sha utar la A mogh shin mbakpenev; A kôndo A yem Sha, A tema ken
wegh ku yanegh ku Aôndo Ter u hembanagee; shaala Un ava u ôron mbaumav man
mbakpenev ijir. M na jighjigh a Chighan Jijingi, Cighan Eklesia u katoliko mzoo
u mbajighjigh, mde u asorabo, mmough u shin ku, man uma u tsôron. Amen.
MSEN U MRUMUN
O Aôndo Wam, m rumun We, sha
aci u U ngu mimi iyol You.
MSEN U VEREN ISHIMA
O Aôndo Wam, m ver ishima
sha a We, sha aci u ityendezwa You a mo.
MSEN U ISHIOON
O Aôndo Wam, m soo U a
ishima yam i môm, man sha aci Wou m soo orgenegh kpaa er mo iyol yam nahan.
ATINDI A AÔNDO PUE
1.
De kera lun a mbaaôndo
mbagenev ga saa Mo.
2.
De kera teren iti i Aôndo
Wou daang ga.
3.
Umbur iyange i memen sha aci
u u itsegha i.
4.
Civir teru man ngôu.
5.
De kera wuan or ga.
6.
De kera eren idya ga.
7.
De kera iin ga.
8.
De kera we or aie iyol ga.
9.
De kera tomon kwase u orgen
ga.
10. De kera tomon akaa a orgen ga.
Aôndo, se ungwa imo You ken
atindi a Ou, a ngise U na Mose la. Na se, er se ungwa a sha ato tsee ga, kap se
koso a ken asema ase gbem yô. Na se grastia Wou hen iyange i ngin cii, sha er
se kura atindi ne a ishima i môm yô. Amen.
Chighan Maria, lu Ngôm (Ngôwase), ne
mbatyomov mba mimi cii, er nen msen sha aci wam (wase). Man mbakpenev
mbajighjigh cii, ve mem ken bem, sha mhôônom ma Aôndo. Amen.
MSEN U ORTYOM
Ortyom u Aôndo va kaa Maria
loho; man a wa iyav sha Chigahn jijingi;
Se sugh Maria…
Maria kaa er; “M ngu
kpankwase u Aôndo je; Kwagh u a sar Un u eren a mo yô, A er sha ishima na”;
Se sugh Maria…
Imo hingir Iyol; I va tema a
vese;
Se sugh u Maria…
Er msen sha ci wase, O Chighan Ngô u
Aôndo; nahan se zua a ityendezwa I Kristu.
Se er ne msen
Se zamber a we, Aôndo,
Ortyom Wou va kaa Maria loho er Yesu Wan Wou hingir Or. Haa se grasia ken asema
ase, er sha atsan a Na a sha terankon, se zua a iegem I mmough na, Ken Yesu
Kristu Tor wase. Amen.
Ken iti i Ter, man Wan man Chigahn
Jijingi, Amen.
MSEN U TOR KWASE U TARTOR U SHA (Shighen u Easter)
Torkwase u Tartor ember,
Alleluia;
Sha aci u u mar, Alleluia;
A mogh er A vande kaan yô,
Alleluia;
Er msen her Aôndo sha aci
wase, Alleluia;
Ember man shi i doo u,
iniuunkwase Maria, Alleluia;
Sha aci u Tor Wase mough
mimi je Alleluia.
Se er msen;
O Aôndo, U yem tar sha u nan
se iember, ka sha aci u mmough u Wan Wou. Tor Wase Yesu Kristu. Rumun, se
zamber a We, er sha aci u Ngô Na, iniunkwase Maria, yo, se zua a iember I
tsôron man uma. Ken Kristu Tor Wase Amen.
Ken iti I Ter man Wan man Cighan Jijingi
Amen.
Ken iti i Ter, man Wan, man
Chighan Jijingi, Amen
TERWASE
U ALU SHA
Ter wase U A lu Sha, i tsegha iti you;
Tartor Wou u va, i er shima You shin tar er i eren sha nahan. Na se kwaghyan
wase nyian, u ayange ayange; man de se asorabo ase, er se kpaa se den mba ve
eren se akaabo yô;man de ze aa vese hen ape imyeen i lug a, kpa due a vese ken
kwaghbo.
SE
SUGH MARIA
Se sugh Maria, U iv a gratia, Aôndo ngu
awe, u hemba icivir a kasev cii, man wan u yiav ough se civir un Yesu, Chighan
Maria Ngô u Aôndo, er msen sha aciu se mbabo hengen man shighen u ku wase Amen.
M NA
JIGHJIGH A AÔNDO
M na Jighjigh a Aôndo, Ter u hembanagee,
Un u A gbe sha man tar, man Wan Na u Mtswen, Yesu Kristu, Tor wase, (Hen
mkaanem ma Iniuunkwase Maria mar Un kua ma ker la ior cii ve a ngurum)
U I jile Un sha Chighan Jijingi, Iniuunkwase Maria mar Un ican er un sha ikyev
i Ponti u Pilatu, imande Un sha terankon, A kpe man i ii Un; A sen shin hade;
sha iyange i sha utar la A mogh shin mbakpenev; A kôndo A yem Sha, A tema ken
wegh ku yanegh ku Aôndo Ter u hembanagee; shaala Un ava u ôron mbaumav man
mbakpenev ijir. M na jighjigh a Chighan Jijingi, Cighan Eklesia u katoliko mzoo
u mbajighjigh, mde u asorabo, mmough u shin ku, man uma u tsôron. Amen.
Iengem
i lu a Ter man Wan man Chighan Jijingi. Er i lu
hiihii, zan zan a bee mayange ga. Amen.
Aôndo Wam, m wuese we sha akaa aa
doon a mzoo a mi nyian cii. Wanger mo er me nenge akaabo a m er nyian man nam
grastia er me zungwe sha a kpaa.
ATINDI A AÔNDO PUE
1.
De kera lun a mbaaôndo
mbagenev ga saa Mo.
2.
De kera teren iti i Aôndo
Wou daang ga.
3.
Umbur iyange i memen sha aci
u u itsegha i.
4.
Civir teru man ngôu.
5.
De kera wuan or ga.
6.
De kera idya ga.
7.
De kera iin ga.
8.
De kera we or aie iyol ga.
9.
De kera tomon kwase u orgen
ga.
10. De kera tomon akaa a orgen ga.
MPASE
HEN AÔNDO U HEMBANAGEE
Mpase hen Aôndo u hembanagee, man hen
aven anngyanev kpaa, mer, m er zegekwaghbo, ken mbamhen av, man ken mkaanem am,
ken kwagh u m er, man ken kwagh u m vende u eren kpaa,
(U kema uwegh sha vanger, u zamber sha ibyo
yo u kaa wer:)
Sha ibyo yam, sha ibyo yam,
sha ibyo yam i hemban vesen cii la;
Nahan mzamber Chighan Maria
u a lu IniuunKwase gem, man mbatyomov man mbajighjigh cii, man ne anngbayanev
av kpaa, mer, er nen msen hen Ter wase sha aci wam.
Aondo u hembanagee Un a
rumun yô, A zungwe se mhôônom, A de se asorabo ase, man A za avese ken uma u
tsôron gbem, Amen.
MSEN U ZUGWEN A KAABO
O Aôndo Wam, m zungwe kpishi
sha er m vihi U ishima yô sha aci u U hemba doon mo ishima man sha iwyasen i
gratia Wou me kera er kwaghbo ugen ga. Amen.
SHIEGHEN U SE ZA YAVEN
Shieghen u se za yaven; sha
iyev You, Aôndo Terwase se vere asema ase. Ter Yesu ngohol iyol man asema ase.
Ken iti i Ter wase Yesu u imande Un, gbir se nya se mem. Ver se O Ter man kura
se. De lumun ku u burun se a bur ga. De lumun se kpen ken kwaghbo wase ga. Wase
se hanma sev, man due a vese ken hanma kwaghbo cii, man na se uma u been
mayange ga, Amen.
Chighan Maria, lu Ngô wase Ne mbatyomov
cii man mbamimi cii, er nen msen sha aci wase.
Maria, man Yosev, man ne mbamimin cii, er
nen msen sha aci wase her Aôndo wase er una kura se hen tugh mbun sha hanma
kwaghbo cii yô. Amen.
O Otyom Wam, we u Aôndo a kaa er u
kuram, kuram hen tugh mbun. Ne mbatyomov man mbamimin mba Aôndo, er nen msen
sha aci wam.
Aôndo Terwase ver se dedoo
man due a vese ken hanma kwaghbo cii, man na se uma u tsôron u been mayange ga,
Amen.
Man mbakpenev mbajighjigh cii, ve
mem ken bem, sha mhôônom ma Aôndo. Amen.
Ken iti i Ter, man Wan, man Chighan
Jijingi, Amen
Adua l Catholic Faith l Dioceses l Ityakerada l Katekisma l late Bishops l lohodedoo l Prayer Cards l contact-us